Nytt
Det er vår i Volda. Det regnar i bytter og spann, vinden tutar om novene før det i neste sekund skin opp. Fjorden ligg blå og heilt still.
Eksamen er overstått. Det er kanskje det beste. Ingvild og Arild leverte masteroppgåvene sine i går - til lukke! Tenk om det kunne vore meg! Same dagen søkte eg om nok eit år med studielån.
Byrja å flytta i går. Køyrde vekk ei billast med bøker til toppen av Volda. Enno er det mykje att. Godt eg skal få hjelp til å flytta. (Dumt at eg nesten ikkje kan hjelpa til sjølv av di eg må jobba.)
I morgon skal Studentmållaget i Volda samla inn underskrifter til Dagbladoppropet på Volda vgs! Det vert bra!
5 Kommentarar:
Om eit år er det deg som er meistar! Du kan vera glad du ikkje skal flytta so langt som me skal, det er kav, det.
Det går framover med det meste, for nå har du kome som lenkje på mi flunkande nye bloggside.
Ei stor ære, det må eg seia. Olaug og eg! Det er godt selskap.
Bloggen min har kome ut av dvalen den med, med nytt namn og ny bunad og greier.
Grattis, Magnus! Det var no på høg tid at du kom attende på veven!
Legg inn en kommentar
<< Attende til framsida