Solsukk

Nett no er det altfor mykje å sukka over og altfor lite tid til å gjera det!
Eksamen, til dømes. Eg kan ikkje utstå eksamen og eg får det heller ikkje til. Ein ting er at det er keisamt, både konseptet og innhaldet, men hovudet vil ikkje hjelpa meg. Det slit og det er verd å sukka over.

So kan ein sukka over pollensesongen, over journalistar som ikkje veit sitt eige beste eller journalistar som sukkar over ikkje å ha vorte spurde om å stå på "Slepp nynorsken til"-oppropet eller over dei som tek seg sjølv so høgtidelege at dei nesten ikkje torer helsa. (Kor lenge skal det halda fram?) Ja, og so kan ein sukka litt over dei som er redde for nynorsk i spaltene sine.

Det er sikkert mykje meir å sukka over òg. Pengar, til dømes eller livet reint ålment.

Difor: Her kjem litt gladnytt! Det er kome ut eit nytt Mål og Makt og det var utruleg bra! Det ser lekkert ut og det er fullt av gode og morosame tekstar. Lurer på om den nye Jon "Daniel Braut" Hustad vil svara i nest nummer og om nokon er fornærma over å ikkje å ha kome på lista over nynorskintellektuelle M&M vil høyra meir til. Sjekk ut sidene til Mål og Makt.