1. april

«25 % nynorsk i avisene for å få pressestøtte». Det var aprilsnarr frå Kulturdepartementet i går. Det florerte med nynorskspøkar 1. april, og det er greitt, men eg vart sur då eg las denne. Rett og slett av di eg tykkjer det er eit rimeleg krav og eg tykkjer det er ei sak Valgerd burde kjempa. Ho er den tøffaste ministeren i regjeringa, og det hadde vore ei nydeleg sak å avslutta med. Men nei. Difor vart eg veldig glad då eg las saka Cathrine Sandnes har på dette i Dagsavisen i dag.