Debatt

Debatt
Det skjer jammen meg litt av kvart når ein er i hovudstaden. Eg kom til Oslo for å gjera litt kjeldearbeid til masteroppgåva mi, og brått sat eg på direktesendt fjernsyn.

Ordskiftet Fløgstad sette i gang med boka Brennbart er midt i blinken for meg og oppgåveskrivinga mi. Diverre er eg ikkje heilt i form og har ikkje vore det siste månadene, og hadde bestemt meg for å ta det heilt roleg no når eg skulle vera i Oslo. Verta dulla litt med og på gode dagar får gjort unna litt arbeid.

I hovudstaden er tempoet altfor høgt til å kunna slappa av. Det er ikkje noko nytt. Og eg er ikkje serleg flink til å seia nei til ting. Ikkje til å verta intervjua av Kulturbeitet i radio, og heller ikkje når eg vert invitert til fjernsynet for å diskutera målrørsla og NS saman med Fløgstad, Dahl og Hagtvet. Om du vil sjå, ligg programmet på nrk sitt Nett-fjernsyn.

Litt av ein debut som paneldebattant!